Habo nalolene bi gahenge lo winigo ogo 1 TESALONAIGA 1
1 Tesalonaiga
Polohanda Keriso hameigini Tesalonaigani hearuhondo beba mbira ogo gilibu wia hene
Mbuga ogoha gilibu ngarunaga nemandi ogo
Polohanda Keriso hameigini Tesalonaigani hearuhondo beba mbira gilibu wia henego irane ti mo hongo helobi ti mini dungulo helobi gili bini. Ti Ngode Datagaliwabehondo mini mbiraore wu haabo kagobi gubalini ho haabo kagobi Timodihanda layagola Polohanda hale howa Ngode Datagaliwabehondo ka̱i̱ lene.
Ani lowa Polo ibuni ala ti heba mandagi hayangi ibu ogobi harugoni lalubi bi mbira Yasu dai bulenenaga ti hale hayagobi Polohanda ti mo mitangi bia hene. Ani mo mitangi bia halu lalu, Anduane Homogo dai birangi wali agali Kerisohondo mini mbiraore wu howa homayaru ti ala heyulebira. Ina nahome dindini kamaru ti heba mandagi hariha Anduane Homogo lola hole poleberama, lalu Polohanda gilibu wia hene.
Ani lowa bi mende hale hayagonaga Polohanda bi ogodagua ladai bialu lalu, Keriso ibu dai bilo tambu tígua tíni miniha mo hongo hagahaga bialubi biamogo bigibigi bialubi áyu bialu kamigonidagua biaabo halu halimu, lalu gilibu wia henego nga.
Bu̱lu̱ baga buwa kuni gilibu ngago
1.1
Polohanda bi ala lenego 1.2–3.13
Ngode Datagaliwabehondo ka̱i̱ lalu henego 4.1-12
Keriso hameiginime bayale bialu holenenaga ngago 4.13–5.11
Keriso ibu dai bulenenaga bi lenego 5.12-22
Ogodagua bulene nga lalu lenego 5.23-28
Lamaro bialu lenego
1
Polo Sailasa Timodi iname Keriso hameigini Tesalonaigani kamiru tíhondo beba ogo gilibu wia harama. Tí ina Aba Ngode Datagaliwabenagabi Anduane Homogo Yasu Kerisonagabi kamigoni. Ab 17.1-13, 2 Te 1.1
Biamogo bia holenebi mo palia holenebi tíha wilo hamelo kama.
Keriso hameigini Tesalonaigani hearunaga holenebi mini mbiraore wulenebi winigo ogo
Horo bibahendengi iname tí bibahende mitangi bialu Ngode Datagaliwabehondo bi lalu howa ka̱i̱ lalu tínaga minibi laabo haramali. Eb 1.16, Pb 1.3-4, Kl 1.3, 2 Te 1.11 Ani lalu howa iname ina Aba Ngode Datagaliwabe naga deni howa tígua mini mbiraore wu howa biabe birimigobi gubalini howa biabe erekuibi birimigobi inanaga Anduane Homogo Yasu Kerisoha mini dunu bia howa mini bilinahe kamigobi mitangi bialu bi lameremali. 1 Ko 13.13, Ga 5.6, Kl 1.4-6, Hi 6.10 Ina hamene mbaliniru-o Ngode Datagaliwabehanda tí gubalini howa ibunagaore halimulo tí dabene kamigo mandabu kama. Kl 3.12, 2 Te 2.13 Irane iname Bi Mana Debene tí kamigoha bime dege ndo hongomebi Ngode Datagaliwabe Dinini ibu heba bi mana ogoni heneneore manda biai howa yalu ibirima. Ina tí heba mandagi howa bialu harimagoni agua birima tí manda bidamigoni. Ogoni tíore bayale halimulonaga bialu harimagoni. 1 Ko 2.4-5, 4.20, Kl 2.2, Hi 2.3 Iname bialu harimagobi Anduane Homogo ibugua biyagobi tígua hondowa bialu harimi. Tígua tandaga timbuni halu harugo lowa Ngode Datagaliwabe Dinininaga turu holene ngiyagome bi mana hale halu yu tiga bialu harimi. Ab 17.1-9, 1 Ko 4.16, 11.1, Pb 3.17, 2 Te 3.9 Ani bialu howa Masedonia dindinibi Agaia dindinibi Yasu mana yu tiga biaga bibahende hearuhondo mana bayale walia halu harimi. 1 Pi 5.3 Masedonia dindihabi Agaia dindihabi Anduane Homogonaga bi mana tíha howa lo yalu piyago ogoni hangu ndo tígua Ngode Datagaliwabehondo mini mbiraore wirimigonaga heba dindi bibahendeni karume hale haame ho ka. Ani bidago iname nde bi mbira latago holene nawida. Lm 1.8 Ina tí hemiria ibirimagola tígua inahondo turu halu nenege hinalu, Hama, larimigonaga wali agali dindi uruni bibahendeni karume te lalu ka. Tí ala mbirale gime wabiniruhondo bi pupu wiaga harimigo ai mini beregedalu Ngode Datagaliwabe ibu hangu henenebi holenehebi kagonaga biabe bule tígua ibuhondo mini mbiraore wirimigonaga te lalu ka. Ab 14.15, 1 Ko 12.2, Ga 4.8, 1 Te 2.1 10 Ngode Datagaliwabe Igini dahuliya andaga howa dai bilo tí hondo kamigonaga te lalu ka. Ngode Datagaliwabe Igini Yasu ibu ala homowa Ngode Datagaliwabe handa ibu mo heya henego ogoni ibugua ina Ngode Datagaliwabe naga lembo holene wulebiragoha naholoma̱yanaga gini mialu ka. Ab 17.31, 1 Te 4.16, 5.9, Ta 2.13, 2 Pi 3.12

1:1: Ab 17.1-13, 2 Te 1.1

1:2: Eb 1.16, Pb 1.3-4, Kl 1.3, 2 Te 1.11

1:3: 1 Ko 13.13, Ga 5.6, Kl 1.4-6, Hi 6.10

1:4: Kl 3.12, 2 Te 2.13

1:5: 1 Ko 2.4-5, 4.20, Kl 2.2, Hi 2.3

1:6: Ab 17.1-9, 1 Ko 4.16, 11.1, Pb 3.17, 2 Te 3.9

1:7: 1 Pi 5.3

1:8: Lm 1.8

1:9: Ab 14.15, 1 Ko 12.2, Ga 4.8, 1 Te 2.1

1:10: Ab 17.31, 1 Te 4.16, 5.9, Ta 2.13, 2 Pi 3.12