Habo nalolene bi gahenge lo winigo ogo MO WALIA 1
Mo Walia Henego
Yasu Keriso ibugua Yonehondo mo walia henego
Mbuga ogoha gilibu ngarunaga nemandi ogo
Anduane Homogo Yasu Kerisohondo mini mbiraorewi hearu ti mo tandaga haabo hayangi Yonehanda ibuhondo mana mo walia hayagola gilibu wini. Beba gili binidagoni handararunaga mini mo dunu biahe helobi tandaga nalu howa wahalu napelobi gilibu wini.
Mbuga ogoni Yonehanda gili bialu de gandeba hendenegobi mo walia henegobi gili binigo Keriso hameigini hearuhondo wia hayagola tigua irane manda bini. Keriso hameigini ndo hearume manda nabibehe hene. De gandeba tara tara hendenegobi mo walia haga binigobi dunini mbiraore hangu nga lalu gili bini.
Dunini ogoni biyagonaga irane ogo. Hamaro bulene horo harangi Ngode Datagaliwabenaga waitigi bibahendebi dama Heyolabebi Ngode Datagaliwabehanda Anduane Homogo Yasu Kerisoha howa bolangua halu wayali hai holebira. Bi mbira gilibu ngago ogo, Ngode Datagaliwabehanda wali agalinaga deni de iba karu domo waholebira. Ani bialu homolene homabi dara holenebi dugu bulenebi tandaga nolenebi nawulebiraore. Mbirale ala tawe wiyaru mo ereba hai haya, lalu lene. Be 21.4
Bu̱lu̱ baga buwa kuni gilibu ngago
1.1-8
Yonehanda bi ala lenego 1.9–3.22
De gandeba pigane hendenegobi Keriso hameigini dindi kariani hearuhondo beba gilibu wia henegobi nga 4.1–8.1
Mbuga mbira wagaya ale kariame mo ndibulo para henego 8.2–11.19
Mbelo biguli karia pu lenego 12.1–13.18
Abagua alebi nogo tara kirabi 14.1–15.8
De gandeba tara tara hendenego 16.1-21
Ngode Datagaliwabenaga keba holene ndisi be kariaha winigo 17.1–20.10
Babilono podo ibira henegobi Ngode Datagaliwabe ibu wayali hai henegobi 20.11-15
Daba ki bumaro bulene 21.1–22.5
Hari daliga gahengebi dindi gahengebi 22.6-21
Yasu ibu dai bulebiragonaga nga
1
Bi moana ala pani nahe winigo Yasu Kerisohanda mo pani hayago mo mogo buwa mbuga ogoniha gilibu ngagoni. Mo pani holene ogoni Yasuhanda ibunaga biabe bia haga karuhondo mbirale tara tara abaleore bulebiraru walia helo Ngode Datagaliwabehanda Yasuhondo mini. Kerisohanda mbirale uruni dahuliyali mbiralihondo, Bi ogoni i̱naga biabe bia haga Yonehondo lamule pu, layagola ibuwa langiya. Dan 2.28-29, Yo 3.32, 12.49, Mo 1.19, 4.1, 22.6, 22.16 Yone i̱na handarudagua bibahende langiai halu Ngode Datagaliwabeha howa bi ogoni ibinigobi Yasu Keriso ibugua bi mana ogoni mo pani henegobi i̱ Yone i̱na handarudagua bibahendeore langiai halu gilibu wirugo nga. 1 Ko 1.6, 1 Yo 1.1, Mo 6.9 Bi ogo daga lararumebi mani bulebiragonaga bi o lo ngadagua daga lowa hale halu yu tiga birarumebi turu hai holebira. Mbirale tara tara uruni bibahende lola hai holene kawareore nga. Lg 11.28, Ya 5.8, 1 Pi 4.7, Mo 22.7, 22.10
Esia dindiha tano kariani Keriso hameigini hearuhondo Yonehanda bi gilibu wia henego ogo
Esia dindiha tano kariani Keriso hameigini kamiruhondo Yone i̱na bi ogo gilibu wia haro. Har 3.14-15, Seg 3.9, Yo 1.1, Mo 1.8, 3.1, 4.5, 4.8, 5.6, 11.17, 16.5
Ngode Datagaliwabe áyu kagobi bamba henegobi mani holebiragobi ibugua biamogo bulene nawi howa biamogo bia holenebi mo palia holenebi tíhondo ngilo hamelo ko. Ngode Datagaliwabenaga handame ho biragane dagia ngagonaga wanakuihayagi dinini karia karu tigua biamogo bulene nawi howa biamogo bia holenebi mo palia holenebi tíhondo ngilo hamelo ko. Yasu Keriso ibu walia hagane mini bilinahe howabi homalu pigane mo heya henegobi dindi bibahendeni kini karunaga haguane kagobi ibugua biamogo bulene nawi howa biamogo bia holenebi mo palia holenebi tíhondo ngilo hamelo ko. Iba 89.27, Ais 55.4, Yo 15.9, 18.37, Eb 1.20, Kl 1.18, 1 Ti 6.13, Hi 9.14, 1 Yo 1.7, 4.10, Mo 3.14, 17.14
Ko inane birimagome ina dariba henego hemaria Yasu ibunaga gubalini holeneme ina gubalini halu ibugua homo aribia hayagome ina golope hene. Ani buwa ina Ngode Datagaliwabehanda handame ho kagoria howa Keriso ibu Aba Ngode Datagaliwabenaga biabe bia haga holoma̱ya ibugua ina loma binigo mo miaga mo hela henego kama. Mini yaraga holenebi hongo holenebi Yasu Keriso ibunaga wia dege bidane wia ho wilo hamelo ko. Aniore bilo laro. Har 19.6, 1 Ti 6.16, Hi 13.21, 1 Pi 2.5, 2.9, Mo 5.10, 20.6
Yasu ibu beralibani ibirago de handadaba. Ibirago ina kamarubi bamba ibu yandareme nogoba hayarumebi ina bibahendeme ibu de hondoleberama. Dindi bibahendeni wali agali kamarume ibu mitangi bialu dara howa dugu biai holeberama. Aniore buleberama. Dan 7.13, Seg 12.10, Md 24.30, Mg 13.26, Lg 21.27, Yo 19.34, 19.37, Ab 1.11, 1 Te 4.17
Anduane Homogo Ngode Datagaliwabe Hongo Haiheore kagobi bambaore haabo henegobi mani ha ho wiaabo holebiragobi ibugua lalu, I̱ piganeorebi mahaorebi kogoni, lalu ka. Har 3.14, Mo 1.4, 1.17, 4.8, 11.17, 15.3, 21.6, 22.13
Yonehanda de gandeba handalu Keriso hendenego ogo
I̱ tínaga hamene mbalini Yone kogoni. I̱ Yasu talima piaga kogoni howa tí heba mandagi Ngode Datagaliwabehanda Handame Ho Kagoria kamagome ina ema nabi hibulo howa tandaga nalu hongo ho haabo kamagoni. Ngode Datagaliwabehanda bi lo winigobi Yasuhanda bi mana henene walia hayagobi i̱na lamialu hewaria tigua i̱ minuwa dindi emene Padamoso iba dege dombeneha wiagoria garabaya bu helaya. Pb 1.7, 2 Ti 1.8, 2.12, Mo 6.9 10 Ani bu helayagola hewaria Anduane Homogonaga horo hayangi Ngode Datagaliwabe Dinini ibu i̱ha karula haya. Ani karula hayagola bi mbira dalimu mbelo biguli ale i̱ erembirahayagi howa layuagola hale haru. Yo 20.26, Ab 10.10, 2 Ko 12.2, Mo 4.1-2 11 Hale halu hewaria bi layuagome lalu, Í̠na deme handareru mbugani gili bibe. Gili buwa Keriso hameigini tano karia Ebesabi Simenabi Pegamamubi Taiadirabi Sadisibi Piladelebiabi Leodisiabi uruniha karuhondo gilibu pelabe, laya.
12 I̱hondo bi layuago aiwa layadabe hondole beregedaru. Beregedowa handalu hewaria lamu hale irane karia ngolome wabini wiaria handaru. Har 25.37, Seg 4.2, Mo 1.20 13 Ani handalu hewaria lamu hale wiagane wiagoha mbirali agali handalehe hearia handaru. Ibu aga luniore geni bia hanahebi nogo dongone ngolome wabinigo galuhombeneni wuwabi hea. Ese 1.26, Dan 7.13, 10.5, Mo 15.6 14 Ibunaga mandari pewele nogo sibi iri alebi beraliba handalehebi ibunaga de ira hungu handalehebi Dan 7.9, Mo 2.18, 14.2, 19.12 Dan 10.6 15 ibunaga ge ege to̱le̱ boronosi demborere biaga handalehebi hea. Ibunaga bi iba pugu laragola u lagadagua layuagola hale haru. Ese 1.24, 43.2, Mo 14.2 16 Ibunaga gi tigame yakundi karia yu hearia handaru. Handalu hewaria wai biagane ayu tibu mbira nene kiroba gadeleore ibunaga ne harigaha howa tagira ibiyaria handaru. Ibunaga dengui ni hanuni ha daraligobi hearia handaru. Uruni bibahende ibuni hearia handai haru. Eb 6.17, Hi 4.12, Mo 1.20, 2.1, 2.12, 2.16, 3.1, 19.15, 19.21 17 Ani hondowa gi howa mogo lalu ibunaga geha i̱ pilope howa homene ale ho wiruya. Ani buwa ibugua ibunaga gi tigame i̱ni wialu howa lalu, Gi nahabe. I̱ pigane henegobi maha holeberogobi kogoni. Ais 41.4, 44.6, 48.12, Ese 1.28, Dan 8.18, 10.10, Mo 2.8, 22.13 18 I̱ holenehe kogoni. I̱ ala homarugo ai áyu i̱ ha ho wiaabo hole ko. Homaganenagabi humbirini andanagabi bibahende i̱ninaga hongome haru haabo kogoni. Iba 68.20, Lm 6.9, Mo 4.9, 5.14 19 Anigo mbirale bibahende hendederuni gili biai habe. Mbirale áyu íbu ngarubi mbirale maninaga wulebirarubi í̠na gili biai habe. Mo 1.1, 1.11, 2.1, 4.1 20 Ai yakundi karia i̱naga gi tigame yidone hendedegobi lamu hale wiagane ngolome wabinigo karia ngaru hendedegobi uruninaga galone wia do hene ngago i̱na lapani harogo ogo. Yakundi karia uruni ti Keriso hameigini tano kariani biarunaga dahuliyali karia ka. Lamu hale wiagane karia biaruni Keriso hameigini tano kariani karu tini ka. Seg 4.2, Pb 2.15, Mo 1.12, 1.16, 2.1, 3.1

1:1: Dan 2.28-29, Yo 3.32, 12.49, Mo 1.19, 4.1, 22.6, 22.16

1:2: 1 Ko 1.6, 1 Yo 1.1, Mo 6.9

1:3: Lg 11.28, Ya 5.8, 1 Pi 4.7, Mo 22.7, 22.10

1:4: Har 3.14-15, Seg 3.9, Yo 1.1, Mo 1.8, 3.1, 4.5, 4.8, 5.6, 11.17, 16.5

1:5: Iba 89.27, Ais 55.4, Yo 15.9, 18.37, Eb 1.20, Kl 1.18, 1 Ti 6.13, Hi 9.14, 1 Yo 1.7, 4.10, Mo 3.14, 17.14

1:6: Har 19.6, 1 Ti 6.16, Hi 13.21, 1 Pi 2.5, 2.9, Mo 5.10, 20.6

1:7: Dan 7.13, Seg 12.10, Md 24.30, Mg 13.26, Lg 21.27, Yo 19.34, 19.37, Ab 1.11, 1 Te 4.17

1:8: Har 3.14, Mo 1.4, 1.17, 4.8, 11.17, 15.3, 21.6, 22.13

1:9: Pb 1.7, 2 Ti 1.8, 2.12, Mo 6.9

1:10: Yo 20.26, Ab 10.10, 2 Ko 12.2, Mo 4.1-2

1:12: Har 25.37, Seg 4.2, Mo 1.20

1:13: Ese 1.26, Dan 7.13, 10.5, Mo 15.6

1:14: Dan 7.9, Mo 2.18, 14.2, 19.12

1:14: Dan 10.6

1:15: Ese 1.24, 43.2, Mo 14.2

1:16: Eb 6.17, Hi 4.12, Mo 1.20, 2.1, 2.12, 2.16, 3.1, 19.15, 19.21

1:17: Ais 41.4, 44.6, 48.12, Ese 1.28, Dan 8.18, 10.10, Mo 2.8, 22.13

1:18: Iba 68.20, Lm 6.9, Mo 4.9, 5.14

1:19: Mo 1.1, 1.11, 2.1, 4.1

1:20: Seg 4.2, Pb 2.15, Mo 1.12, 1.16, 2.1, 3.1