Legic
Kiwi 1
1
(Legic 1—41)
Héna éréhéc.
Ic ségi ségiyaguc imi ic ʒipiliŋ ʒapalaŋa ionac niniŋ areŋgia imi ménda méndacma kemma, képésic ic ionac kekecac hénaiguc momacnec ménda namma, ʒédesi ic iniguc* Hebiraio aciguc; Ionac tataciguc. momacnec ménda tacanʒac. Néŋ Yaweac* Yawe; Anutuac qara, kiwi téréyaiguc ogic hezac, néŋ qac téréya imi ménda olomma Miŋ Kewu ʒéanʒu. héna acwac* Héna ac; Hebiraio aciguc Tora, Moseac kiwi ura 5 Anutuac ackuaʒéc imuac hénihéniaiguc hezac imuac qara. ewa siŋa heyu, siŋi kaiwe séc héna ac imi ʒéniŋanʒac.
Inéŋ ic hésa doku téfara giŋgiŋaiguc himicgic naŋanʒac ésécnec haréŋa ménda bura tiyu naléya méndacma héla gocmia haianʒac. Inéŋ imuac me imuac ai meyu hiabianec saima keŋanʒac.
Néŋ ic ʒipiliŋ ʒapalaŋa imi imuhuc qahac. Inéŋ imi gorosoŋa sénéwéra luhucnéŋ mihilaŋgéyu keŋanʒac ésécnec. Imuac niŋac ic ʒipiliŋ ʒapalaŋa ieneŋ imi Anutunéŋ kitiwa biria meleŋ énécmiyu hia ménda naŋselimu. Waŋu képésic ic ieneŋ ic solaŋa iniguc momacnec kecmuac séc qahac. Ic hiabia imi Yawenéŋ inicgaleŋ waŋ énécmianʒac, néŋ ic ʒipiliŋ ʒapalaŋa imi eneŋ tima keŋanʒu héna imuac tetecgia imi humu qai wawaŋa.

*1:1: Hebiraio aciguc; Ionac tataciguc.

*1:2: Yawe; Anutuac qara, kiwi téréyaiguc ogic hezac, néŋ qac téréya imi ménda olomma Miŋ Kewu ʒéanʒu.

*1:2: Héna ac; Hebiraio aciguc Tora, Moseac kiwi ura 5 Anutuac ackuaʒéc imuac hénihéniaiguc hezac imuac qara.